कुस्मा बलेवा जेड्ने ट्रस्टब्रिज निर्माणको तयारी

पर्वतको सदरमुकाम कुस्माबजार र बागलुङ्गको बलेवा जोड्नका लागि कालीगण्डकी नदी माथि मोटरेबल ट्रष्टब्रिज निर्माण हुने भएको छ । प्रस्ताबित कुस्मा नेपाने ट्रष्ट ब्रिज नेपालकै अग्लो र लामो एक मात्र ट्रष्टब्रिज हुने छ । छिमेकी मुलुक चिनमा निर्माण भएको प्रबृधि प्रयोग गदैै ५ सय १० मिटर लामो तथा ९ मिटर चौडा मोटरबेल पुल निर्माण गर्ने तयारी भएको हो । पुल निर्माणका लागि संभाब्यता अध्ययन गरिएको छ भने कुस्मा र बलेवा क्षेत्रका बासिन्दाले निर्माण समिति समेत गठन गरेका छन । करिब १ अर्व २९ करोडको लागतमा निर्माण हुने पुल नेपालमै पहिलो पुल हुने हुने संभाब्यता अध्ययनमा संलग्न इन्जिनियर शुसिलबाबु रेग्मीले बताउनुभयो । ‘यो पं्रबिधी नेपालमै पहिलो पटक अध्ययन र सर्वे गरिएको हो । ’ उहाँले भन्नुभयो । छिमेकी मुलुक चीनमा करीव १ हजार २ सय मिटर लामो पुलबाट एउटा पहाडबाट अर्को पहाडलाई जोड्ने काम भएकाले त्यही प्रबिधी र सहयोगका आधारमा पुल निर्माण गर्ने लक्ष्य राखेको उहाँको भनाई छ । पुल निर्माण पछि कुश्माबाट सिधै १ मिटेनमा सवारी साधन वारपार हुनेछन् भने नेपानेमा प्रस्तावित पोलिटेक्निक इन्टिच्यूट तथा बलेवा विमानस्थल संचालनमा समेत सहयोगी हुने अपेक्षा गरिएको छ । पुल निर्माण पछि बलेवा क्षेत्रलाई बागलुङ कुश्माको बैकल्पिक व्यापारिक केन्द्रका रुपमा विकास गर्न र कुश्मा तथा बागलुङलाई नेपालकै पहिलो पर्यटकीय गन्तव्य बनाउँदै यहाँको जीवनस्तर माथि उकास्न सकिने पुल निर्माण समितिका अध्यक्ष मेघनाथ पौडेलले बताउनुभयो ।