मुम्बई, कार्तिक २९, दिपावलीको अबसर पारेर रिलीज गरिएको बलिउडका दुइ फिल्महरूमध्ये कमाइका हिसाबले दुबै बिचमा टक्कर परेको छ । दिपावली पर्वको बेला पारेर रिलीज गरिएका कारण यी दुवै फिल्महरूले भारत तथा विदेशमा पनि राम्रो प्रदर्शन गरिरहेका छन् ।ट्रेड एनालिस्ट तरण आदर्शका अनुसार शुरूका दिनमा भारतमा ‘जब तक हे जान’ ‘सन अफ सरदार’ भन्दा केही अगाडी छ, तर दुबै फिल्म बक्स अफिसमा ‘बिजेता’ बनेका छन् ।
उनले बताए अनुसार सलमान खानको अतिथि भूमिका भएको ’सन अफ सरदार’ मास सर्किटमा अगाडी छ, जबकि मल्टीप्लेक्सहरूमा भने ‘जब तक हे जान’ ले धुम मचाइरहेको छ । ‘सन अफ सरदार’ ले पाकिस्तानमा पनि इतिहासनै कायम गरेको छ । यस फिल्मले पाकिस्तानमा पहिलो दिनमानै ४२ हजार डलरको कलेक्शन गरेको थियो । पाकिस्तानमा कुनैपनि भारतीय फिल्मको अहिले सम्मकै सबैभन्दा ठुलो ओपनिङ हो ।
शाहरुख खानको फिल्मले रिलीजको पहिलो दिन करिब १४ करोडको कमाई गरेको थियो, भने अजय देवगनको फिल्मले बक्स अफिस कलेक्शन १०.७२ करोड रुपयाँ रहेको थियो । यशराज फिल्म्सको ब्यानरमा बनेको ‘जब तक हे जान’ करीब २५०० स्क्रीन्सहरूमा लगाइएको छ, भने ‘सन अफ सरदार’ करीब दुइ हजार स्क्रीन्समा देखाइँदैछ ।
पहिलो दिनको कलेक्शनको हिसावले शाहरुख खानको ‘जब तक हे जान’ अजय देवगनको ’सन अफ सरदार’ भन्दा अगाडी निस्किए पनि कडा प्रतिस्पर्धा गरिरहेको छ ।
No comments:
Post a Comment