जार’सँग मागियो एक करोड

१९ पुस, हेटौंडा । आफ्नै श्रीमतीका पूर्वपति (जार)ले ज्यान मार्ने
धम्की दिएपछि मकवानपुरका एक युवक
श्रीमतीसहित घर छाडेर सदरमुकाम हेटौंडा पुगेका छन् ।
‘आफ्नी पत्नी’सँग बिहे गरेको भन्दै
पूर्वपतिले क्षतिपूर्ति वापत १ करोड
रुपैयाँ माग्ने र ज्यान मार्ने धम्कीसमेत
दिने गरेपछि ज्यानकै असुरक्षा भएको भन्दै
ती युवक श्रीमतीसहित हेटौंडा आएका हुन् ।
आफ्नी श्रीमती लगिदिएको भन्दै
ती पुरुषले आफूसँग क्षतिपूर्तिबापत १
करोड रुपैयाँ माग्नुका साथै ज्यानमार्ने
धम्की दिएको ठिंगन ५ का अष्टबहादुर
स्याङतानले बताए । उनले गत ११
मंसिरमा रिनु सिंगरसँग बिबाह
गरेका थिए । रिनुको २०६३
सालमा मन्थली २ का मोटेबहादुर गोलेसँग
१२ बर्षकै उमेरमा बिहे भएको थियो । तर,
श्रीमान् र देवरले सँधै कुटपिट मात्र गर्ने
र काममा मात्र लगाउने गरेपछि रेनुले
गोलेलाई छाडेकी थिइन् ।
पहिलो श्रीमानबाट रेनुको ४
बर्षको छोरो छ, उनी बाबुसँगै बस्दै
आएका छन् ।