ठमेल भेलामा कनकले भने, ‘ अब प्रचण्ड–बाबुरामलाई जेल हाल्नुपर्छ ’

• ‘फुजेल हत्या कान्डमा संलग्न रामप्रसाद अधिकारी पक्राउ परे, अब यही मुद्दामा प्रचण्ड र बाबुरामहरुलाई पनि मुछेर कठघरामा ल्याउनुपर्छं । त्यसका लागि हामीले देशव्यापी लवीङ गर्नुपर्छ ।’
• –‘शम्भुजी (शम्भु थापा)लाई अख्तियारले दुख दिइरहेको छ । भोलि दुःख पाउने पालो हाम्रो पनि आउन सक्छ । यिनीहरुलाई यही मौकामा तह लगाउनुपर्छ ।’
• –‘डेकन्द्र थापा, बाँदर मुढे, शिक्षक मुक्ती अधिकारीलगायत सबैको मुद्दा उठाउनु पर्यो । अस्ती नेताहरुको तस्वीर राखेर गरिएको प्रचारवाजी मस्ट इभेक्टिभ भयो ।’

यो सम्बाद नेपालका मानवअधिकारवादीहरुवीचको हो । कहाँ, कसले किन यस्तो भन्यो त ?

• दिलकुमारी लिम्बु

द्वन्दका क्रममा मारिएका गोरखा फुजेलका कृष्णप्रसाद अधिकारीको हत्यामा संलग्न भएको आरोपमा राजधानीको बागबजारबाट व्यवसायी रामप्रसाद अधिकारी पक्राउ परे । त्यो घटनालगत्तै शुक्रबार साँझ काठमाडौंको स्युचाटारस्थित इनसेक नामक गैर सरकारी संस्थाको टेलिफोन नम्बर ४२७८७७० मा कसैले फोन गर्यो। इनसेक कार्यालयमा एक खालको खुशीयाली थियो । इनसेक कार्यालयबाट एउटा गाडी कलंकी हुँदै ठमेलतिर सोझियो ।
उता, पाटनबाट एउटा गाडीमा सेतै कपाल फुलेको मानिस गाडीमा ठमेलतिर लाग्यो । शहीदगेटमा त्यो गाडीमा कालो कोट लगाएको एउटा होचो र जुंगे मानिस चढयो । त्यो गाडी केशरमहल हुँदै ठमेलतिर छिर्यो । केही मानवअधिकारवादी, र विदेशी डलरका नेपाली ठेकेदारहरु भेला भए, ठमेलको एउटा क्याफेमा । त्यो भेलामा चिनिने अनुहार थिए, इनसेकका अध्यक्ष सुबोध प्याकुरेल, पत्रकार कनकमणी दिक्षीत, अधिवक्ता दिनेश त्रिपाठीलगायत बार एशोसिएसननका केही सदस्य ।
त्यो जमघटमा रामप्रसाद अधिकारीको पक्राउलाई ‘ग्रेट एचिभमेन्ट’ अर्थात उल्लेखनीय उपलब्धी भएको निश्कर्ष निकालियो – त्यो कफी जमघटको निश्कर्ष थियो, ‘अब यस्ता अन्य मुद्दाहरु पनि खोस्रेर निकाल्ने र प्रचण्ड र बाबुराम भट्टराईलाई पनि जेल हाल्ने बातावरण बनाउने ।’ क्याफेमै रहेका रातो पाटी शुत्रका अनुसार त्यो जमघटमा भएको बार्ताको सार यस्तो थियो, –
‘फुजेल कान्डमा संलग्न रामप्रसाद अधिकारी पक्राउ परे, अब यही मुद्दामा प्रचण्ड र बाबुरामहरुलाई पनि मुछेर कठघरामा ल्याउनुपर्छं । त्यसका लागि हामीले देशव्यापी लविङ गर्नुपर्छ ।’
‘शम्भुजी (शम्भु थापा)लाई अख्तियारले दुख दिइरहेको छ । भोलि दुःख पाउने पालो हाम्रो पनि आउन सक्छ । यिनीहरुलाई यही मौकामा तह लगाउनुपर्छ ।’
‘डेकन्द्र थापा, बाँदर मुढे, शिक्षक मुक्ती अधिकारीलगायत सबैको मुद्दा उठाउनु । अस्ती नेताहरुको तस्वीर राखेर गरिएको प्रचारवाजी मस्ट इभेिक्टभ भयो ।’
‘खिलराजजी र प्रहरी प्रशासनलाई सुबोधजीले अलि कन्भिन्स गर्नु पर्यो । मिडियामा हामी होहल्ला गरिहाल्छौं । जनतालाई प्रोभोक पनि गर्नुपर्छ । आम हडतालका बेलामा झैं प्रतिकारमा उतार्नुपर्छ ।’
‘नयाँ भारतीय राजदूतसँग पनि हामीले लविङ गर्नुपर्छ । इन्डिया लाग्यो भने त यिनीहरु को बच्लान र ?’
केही मिडियले सहयोग गरेकै छ, तर अन्नपूर्ण पोस्ट अख्तियारको मामलामा अलि लिक आउट छ । खै किन हो, लोकमानकै पक्षमा छ । हैन भने सम्भुजीमाथिको कार्वाही नट जोक नी ।’
‘यीनलाई यसैगरी च्याप्नुपर्छ । यहीबेला हो हामी पनि बढी शक्रिय हुने । पोस्टरवाजी तरिका राम्रंो भो, फेरी एक राउन्ड प्रचण्ड र बाबुरामको मात्र फोटो राखेर काम गरौं ।’
फुजेल प्रकरणलाई लिएर सरकारले व्यवसायी रामप्रसाद अधिकारीलाई पक्राउ गरेपछि एकातीर उनको रिहाइको माग गर्र्दै एमाओवादीले काठमाडौंसहित चितवन र गोरखा जिल्ला बन्दको आव्हान गरेको छ भने यही मौकामा यस्ता मुद्दा चर्काएर माओवादी नेतृत्वलाई नै जेल हाल्ने तयारीमा जुटेका छन, मानवअधिकारवादीहरु । त्यसकै एउटा झलक थियो, ठमेलमा कनकमणीहरुको जमघट ।
प्रचण्ड र बाबुरामलाइै नै निशाना बनाउने कामको सुरुवात काँग्रेस समर्थक अधिवक्ता दिनेश त्रिपाठीले गरेका छन् । उनले भदौ

१० गतेृ प्रचण्डविरुध्द अदालतको मानहानी गरेको भन्दै सर्वोच्चमा रिट दायर गरेका थिए । रुपन्देहीबाट काँग्रेसले टिकट देला र सांसद होउँला भन्ने सपना देखेका दिनेशले राजनीतिमा असफलता हात लागेपछि वकालत गर्न थालेका हुन् । अचेल दिनेश अमेरीकी संस्था एशिया फाउन्डेशनमार्फत माओवादी विरोधी कानूनी गतिविधिमा संलग्न छन् । बेला बेलामा अमेरीका भ्रमणमा गइरहने दिनेशको भूमिका केही समयदेखि संदीग्ध रहँदै आएको थियो । ठमेलको शुक्रबारको जमघटपछि मानवअधिकारवादीको एउटापक्ष यतिखेर प्रचण्ड र बाबुरामलाई कानूनी कठघरामा ल्याउने गृहकार्यमा जुटेको छ । यसका लागि एमालेका अग्नी खरेल, बारका रहेका केही पदाधिकारी र स्वयं दिनेश त्रिपाठी सँलग्न भएको बुझिएको छ । केही समयअघि काठमाडौंलगायतका क्षेत्रमा शिर्ष नेताहरुको तस्वीरसहितको पोस्टर टाँस्ने अभियानको नेतृत्व पनि यही समुहले गरेको थियो । त्यो पोस्टरमा हाल काठमाडौंमा अनसनमा बसेका कृष्णप्रसाद अधिकारीका बाबु आमा नन्दप्रसाद र गंगामायाको समस्या नसुिनएको प्रचारवाजी भएको थियो । यस प्रयोजनका लागि द्वन्द पीडितका नाममा खुलेका डलरवाला संस्थाहरु लागेका छन् । सर्वोच्चले अनसनकारीको जीवन रक्षाका लागि खाना खुवाउन आदेश दिइसकेको छ । तर यीनै मानवअधिकारवादीहरुले अधिकारी दम्पतीलाई भड्काएर अनसन जारी राख्न भनिरहेका छन् । केही दिनअघि अधिकारी दम्पतीलाई भेटन गएका पत्रकार कनकमणीले भनेका थिए, ‘तपाईहरुलाई केही हुन्न, आफनो अडान नछाडनुस् । यी हत्याराहरुलाई कठघरामा ल्याएरै छाडिने छ । तपाईहरुले हरेस नखानुहोला ।’ अधिकारी दम्पती प्रकरण मानवअधिकारवादीहरुको ‘स्टन्ट’ भएको स्पष्ट भइसकेको छ । खासमा अन्तरिम निर्वाचन मन्त्रीपरिषदलाई यसरी द्वन्दका मुद्दामा कार्वाही चलाउने अधिकार छैन । नेपालमा जारी शान्ति प्रकृया भाँडन खोज्ने पश्चिमा डलरमा हुर्कीएका मानवअधिकारवादीकै उक्साहटमा यी मुद्दा उछालिएको जगजाहेर छ । शसस्त्र द्वन्दका क्रममा १५ हजारको ज्यान गएको थियो । ति एक एक मुद्दा उठाउने हो भने शान्ति प्रकृया भाँडिन्छ । अहिले अमेरिकी उक्साहटमा कनक, सुवोध, मन्दीरा, दिनेशलगायतका मानिस त्यसकै डिजाइनमा काम गरिरहको बुिझन्छ । प्रचण्ड र बाबुरामलाई पनि पक्राउ गर्न लगाएर शान्ति प्रकृया भाँडने र यहाँ द्वन्द चर्काएर अमेरिकी हतियार माफिया र चिन विरोधी गतिविधि गर्न नेपालमा चलखेल गर्ने डिजाईनकै यो एउटा कडी हो ।