१७ कार्तिक, काठमाडौं । अन्तराष्ट्रिय कुख्यात अपराधी चाल्र्स शोभराजभन्दा डरलाग्दा सिरियलकिलर अपराधी पक्राउ परेका छन । शोभराजको शैलीमा बहुमुल्य धातु तथा स्टोन कारोबारको बहानामा करिब १२ जनाको फिल्मी शैलीमा हत्या गर्ने अभिषेक सिंहलाई प्रहरीले पक्राउ गरेको छ ।
महानगरीय प्रहरी अपराध महासाखाले १५ भन्दा धेरै नामबाट चिनिने सिंहलाई केहिदिन अघि पक्राउ गरेको हो । सिंहले कम्तीमा ६ जनाको हत्या गरेको पृष्टि भइसकेको र अन्य करिब १२ हत्याका घटनामा उनको संलग्नताको प्रहरीले अनुसन्धान थालेको आजको नयाँपत्रिकाले लेखेको छ ।
“अभिषेकको आपराधिक गतिबिधि शैली र घटना हेर्ने हो भने शोभराज भन्दा उनी अगाडि देखिन्छन,” प्रहरी श्रोतले भन्यो, “नेपालमा यस्तो किसीमको व्यक्ति पहिलो चोटि भेटिएको छ ।”
लोमस फर्मास्युटिकल्सका कर्मचारी गोठाटार निरज पाण्डेको हत्या अनुसन्धानका क्रममा प्रहरीले सिंहलाई पक्राउ गरेको थियो । पाण्डे हत्याका प्रमुख योजनाकार उनै सिंह हुन । नेपालगन्ज घर भएका उनले समीर घिमीरे लगायतका दर्जनौं नामबाट आफूलाई चिनाउने गरेका थिए ।
सिंहले नागमणिको कारोबारका लागि भारत जाने भन्दै पाण्डेको गाडीमै हत्या गरी धनुषाको ढल्केबरमा पु¥याई शब फालिदिएका थिए । शोभराज जस्तै गरी निकै चलाखीपूर्वक योजनाबद्ध रुपमा उनले धेरै व्यक्तिको हत्या गरिसकेको अनुसन्धानमा खुलेको छ । ती सबै घटनामा उनले आपूmलाई जोगाउन सफल भएका छन ।
पैसा हात पार्न विभिन्न अबैध सामानको कारोबारमा संलग्न व्यक्तिलाई उनले हत्या गरेको प्रहरी श्रोत बताउछ । हालै बेपत्ता रहेका भनिएका कतिपय व्यक्तिको हत्या पनि उनले गरिसकेको प्रहरी अनुसन्धानमा खुलेको छ ।
सिंहका तीन सहयोगीलाई प्रहरीले दुईसाता अघि नै पक्राउ गरिसकेको थियो । पाण्डेका हत्यामा संलग्न प्रभाकर राणा, अनिल पटेल र कुमार विक्रम केसीलाई महानगरीय अपराध महासाखाले पक्राउ गरी कारबाहीका लागि जिल्ला प्रहरी कार्यालय धनुषामा पठाएको थियो । सिंह भने भारतमा लुक्दै आएका थिए । उनलाई पनि केहि दिन अघि पक्राउ गरिएको प्रहरीले जनाएको छ । उनी पक्राउ परेपछि मात्र उनका अन्य कर्तुतबारे प्रहरीले पत्ता लगाएको थियो ।
काँके घर भएका सिरियलकिलर सिंह लामो समयदेखि विभिन्न अबैध बस्तुको कारोबार तथा ठगीमा संलग्न व्यक्ति भएको प्रहरी अधिकारी बताउँछन । उनले ज्योतीषीको काम समेत गर्दै आएका थिए । यसअघि सिंहले धेरैजनाको हत्या गरिसकेको प्रहरीले पृष्टि गरेको छ । ती घटनाको विषयमा पनि प्रहरीले थप अनुसन्धान गरिरहेको छ ।
म श्री एडम्स केविन, Aiico बीमा ऋण ऋण कम्पनी को एक प्रतिनिधि हुँ तपाईं व्यापार लागि व्यक्तिगत ऋण आवश्यक छ? तुरुन्तै आफ्नो ऋण स्थानान्तरण दस्तावेज संग अगाडी बढन adams.credi@gmail.com: हामी तपाईं इच्छुक हुनुहुन्छ भने यो इमेल मा हामीलाई सम्पर्क, 3% ब्याज दर मा ऋण दिन
ReplyDelete