मुलुकको झल्को दिनेगरि अन्तराष्ट्रियस्तरको बन्ने भएको छ ।
तीव्र गतिमा सवारी चलाउन मिल्ने गरी चार लेनको सडक । ७/७ मिटर चौडाइका दुई-दुई लेनको सर्भिस ट्याक्क र सडकको दुवैतर्फ साइकल लेन, अनि दायाँ-बायाँ मनग्ये हरियाली ।
पहिलो चरणमा कलंकीदेखि कोटेश्वरसम्म निर्माण सम्पन्न हुने ८ लेनको चक्रपथको तस्वीर हो यो । काठमाडौं चक्रपथ सुधार योजनाले कलंकी-कोटेश्वर चक्रपथको निर्माण कार्य सुरु गरिसकेको छ । नमुनाका लागि ललितपुरको भनिमण्डपदेखि एकान्तकुना चोकसम्मको ५ सय ५० मिटर सडक भने आगामी चैतसम्ममा निर्माण कार्य गरी सक्ने योजनाका प्रमुख अशोक तिवारीले जानकारी दिनुभयो ।
निर्माणसम्पन्न भएपछि यस्तो देखिने छ कलंकी चोक
सडकको डिजाइन अनुसार बल्खुबाट स्वयम्भू जाने सवारीसाधनले कलंकीचोकमा भूमिगत मार्ग प्रयोग गर्न सक्नेछन् जसको लम्बाई ८ सय ४० मिटर हुने छ । यो बाटो निर्माण सुरु भएपछि सवारीसाधानलाई बैकल्पिक मार्गबाट हिडाउने तयारी सुरु भएको छ । जसका लागि ट्राफिक प्रहरीले गृहकार्य गरिरहेको छ । भूमिगत सडक निर्माण गर्न करिव एक बर्ष लाग्ने अनुमान गरिएको छ ।
भूमिगत सडकमाथिको आठ लेन सडक थानकोट-कलंकी हुँदै कालीमाटी जाने सवारी साधनकालागि हो । चक्रपथका सहायक लेनबाट आएका सवारीले पनि कालिमाटी तथा थानकोटतिर जान यही आठ लेन सडक प्रयोग गर्नेछन् ।
भूमीगत मार्ग बनाएपछि कलंकीको आकाशेपुल भत्काइने छ भने एकान्तकुना, सातदोबाटो र ग्वार्कोमा नयाँ आकाशेपुल निर्माण गरिने छ ।
यस्तो देखिने छ ८ लेनको चक्रपथ
चीनको आर्थिक तथा प्राविधिक सहयोगमा निर्माण सुरु रहेको यो सडक निर्माणको जिम्मेवारी भने चिनियाँ ठेकेदार संघाइ कन्स्ट्रक्सन गु्रप कम्पनीले ठेक्का पाएको छ । उक्त सडक निर्माणका लागि पाँच अर्व रुपैयाँ भन्दा बढी खर्च लाग्ने अनुमान गरिएको छ । सडक विस्तारकार्य चीनले गर्ने भएपनि सडकमा रहेका पोल र पाइप व्यवस्थापन भने नेपाल सरकारले नै गर्ने छ । उक्त कार्यका करिव ५० करोड रुपैयाँ खर्च लाग्ने अनुमान गरिएको छ । २०१६ मे १५ मा सम्पन्न गर्नेगरि सम्झौता भएको छ ।
कलकीमा बन्ने भूमीगत मार्गको स्केच
चिनियाँ ठेकेदार कम्पनीले सम्झौता अनुसार काम सुरु गरेपनि बिजुलीको पोल व्यवस्थापन र खानेपानीका पाइप तथा ढल व्यवस्थापनका लागि विद्युत प्राधिकरण र काठमाडौं उपत्यका खानेपानी लिमिटेडले आफ्नो जिम्मेवारी बहन नगर्दा ४० महिनाभित्र निर्माण सम्पन्न गर्ने लक्ष्यका साथ काम गरिरहेको भएपनि केही ढिला हुनसक्ने अवस्था रहेको तिवारीले बताउनुभयो ।
यससँगै चक्रपथको कोटेश्वर-चावहिल कलंकी खण्डपनि निर्माण अगाडी बढ्ने भएको छ । चिनियाँ सरकारकै सहयोगमा एकै चरणमा सात बर्षभित्र यो खण्ड निर्माण सकिने तिवारीले जानकारी दिनुभयो३ बर्ष भित्र निर्माणसम्पन्न भएपछि यस्तो देखिने छ कलंकी चोक :
No comments:
Post a Comment